هو دة شعبك يا مصر؟؟؟؟؟
ياخسارة يا مصر
انا مش لاقية كلام اقوله و مش قادرة اصلا اتكلم و لا اعمل حاجة اللي سمع و اللي ماسمعش عن المهزلة و الكابوس الي حصل امام سينما متروو تقريبا في كل وسط البلد اول يوم عيد و اللي ماسمعش يروح عند http://malek-x.net/node/268
و يشوف و يفرح بشعبك يا مصر هو دة الشعب الي عاوزينه يخلصنا من الفساد؟ هو دة الشعب الي لسه خارج من رمضان!!وصلت انحطاط الاخلاق و الدين لدرجة ان الشعب يجري بجحافل الشباب و الاطفال ورا البنات و لا عالم الحيوان
احنا شعب مانستهلش اي حاجة حلوة و اللي يقول البنات غلطانه يبص علي صور البنات المنقبة يعني محدش سلم و اللي يقول دة تهويل و احنا بخير و اشاعات مالوش غير كلمة واحدة كفاية يا نعام!!لما الواحدة لازم تمشي و هي مرعوبة و معاها ترسانة سلاح يبقي احنا مانستهلش الا الوضع الا احنا فيه و حتي دة كمان مانستهلوش
انا يمكن كلامي عدي خطوط و يمكن نرفزة بس انا لازم اكتب لان حط نفسك او اختك او بنتك و سمعني حاتقول ايه انت كمان
يا خسارة يا مصر
posted by sarah la tulipe rose | 12:41 PM
36 Comments:
والله انا سمعت كتير عن الموضوع ده بس الصور مش مبينه حاجه قوى، عموما الحالة فى مصر بقت مترديه جدا وربنا يرحمنا بجد....
بهدوء وبعد النرفزة
واضح ان الموضوع فيه تهويل
http://www.khayalworld.com/viewtopic.php?p=20473#20473
الثالوث المرعب .,.,,,الفقر...الجهل...البعد عن الدين.............خلصت الحكايه
الثالوث المرعب .,.,,,الفقر...الجهل...البعد عن الدين.............خلصت الحكايه نتوقع اي حاجه في اي حاجه فاكرين كاس الأمم الأفريقيه
و الله يا سارة انا قريت الكلام دة فى اكتر من مدونة واتصدمت. هو دة مستوى الشباب المصرى. هى دى الشهامة، هى دى الرجولة. هم دول امل المستقنل. انا بجد متضايقة والموضوع دة احبطنى جدا
تحياتى
أنا معاكي جدا
و متفق مع هيومان كمان و ممكن أزود عليه حاجة كمان هي النفاق
معلش
متزعليش
أكيد إن شاء الله في حل
ساره
انا مع أحمد شوكير
قلبا وقالبا
والسلام
بعدك علي بالي
الموضوع صادم جدا و غير متوقع انهه يتم بالاعداد دي كلها
ربنا يستر بعد كدة
مصطفي اسماعيل
من ناحية قلة ادب دول عدوها كمان بس الغلط فعلا الي انا شايفاه قلة ادب تعليقات البعض عند مالك الي ماصدقت تستخدم الفاظ خارجة جدا جدا و تعليقات ما صدقت تشتم في البلد هيه الحكاية ناقصة
ahmad shokeir
انا مش شايفة انه في تهويل خالص اكثر من واحد كان موجود وقت الحدث و رضوي كمان وصفت نفس الوصف و كانت في ماكن تاني دة غير ان لو وافقت انه مالك و عباس و الشرقاوي هولوا الوصف و دة مش صحيح لانهم ماتعودوش علي كدة و مش محتاجين يعملوا كدة بس التحقيق الي حضرتك كاتب اللينك بتاعك فيه مصايب اكتر و دة من كلام اصحاب المحلات هناك الي شافواو عاشوا الحكاية من اولها و بيقولوا ان دة بيحصل كل سنة!!!يبقي كدة تهويل ؟
human
اوافقك و زود كمان اننا مش شعب متدين زي ما بندّعي و الدين عندنا صلاة و صوم مظهري لا ينهي عن منكر و كمان لا ينهي عن استخدام الفاظ نابية في التعليقات توصل لسب وتبعد القضية و تتوه
mano
انا كمان قريته متأخر الخميس بليل و ماتصورتش ابدا و فضلت مش مصدقة لحد ما قريت عند اكثر من حد خصوصا رضوي الصراحة حاجة تكسف و تخلينا بدل منقول تهويل نحاول انها ماتتكررش
no fear
بالضبط كدة النفاق اساس كل اللي احنا فيه من اخلاق سيئة و النفاق دة هو الي دفع الشباب يوميها لدة و هو الي دفع اصحاب التعليقات الغير محترمة لاستخدام الفاظ غير محترمة ليس لها داعي سوي النفاق
سندباد مصري
قصدك ايه لاتهويل؟ التهويل في وصف الحدث ولا في رد الفعل الي عليه؟
بالنسبة لو قصدك تهويا في وصف الحدث انا مش شايفة انه فيه تهويل لان اكثر من واحد كاتب و كانوا هناك مش بس مالك و عباس رضوي كمان كاتبة و شافت من كان اني صصعب انهم كلهم يتفقوا علي تهويل قضية من اماكن مختلفة لان كان حيتتفضح التهويل و كمان انا مش شايفة انهم محتاجين يهولوا و لو قريت التحقيق عند الاستاذ احمد شقير و دة تحقيق عاملة حسام دياب مع اصحاب المحلات تاني يوم و بالتسجيل و هما اللي وصفوا الي حصل حتلاقي الكلام يعبر عن كارثة اخلاقية لانه بيحصل كل سنة بس مش بالعدد دة!! يعني دة يبقي تهويل برضة؟ وهي بقت عادي ما هو عشان لما حصلت قبل كدة بس حوادث فردية و قلنا مانهولش زادت و حصل بالعدد دة و دة كلام اصحاب المحلات الي هما مان شافوا يبقي فين التهويل؟
اما لو قصدك انه تهويل في ردة الفعل انا معاك و معاك جدا لان فيه ناس بعدت عن القضية و تفرغت و انتهزتها فرصة للسب و التباري في استخدام الفاظ وحشة جدا و تاهت القضية في النص ناس جاية تشتم و خلاص و كمان تشتم في البلد يعني دول ما يتسموش غير خونة
و ناس اصحاب اقتراحات غير محترمة يعني الكل ما صدق يشتم ليه اصلا شتيمة الموضوع فيه كارثة اخلاقية حصلت لازم ننقاشها بهدوء عشان تتحل مش نزود الحكاية بمهزلة اخلاقية بالسب عشان يبقي فيه ايجابية لو حتي الحكاية حصلت لبنت واحدة يبقي لسة كارثة و لازم تتعرف عشان ماتتكررش و الناس اصحاب التعليقات اياها اصلا مش بيساهموا في الحل دول بيزودوا المشكلة
وحياتي
وسلام
مش لازم ننجرف وراء عواطفنا وياريت نحلل الموقف بهدوء فعلا الصور مش مبينة حاجة لكن لو دا حصل بالاعداد دى تبقى مصيبة فعلا ربنا يستر على عباده آمين
طظ فيكى يا مصر انت وشعبك الجزم شوية غجر وكلاب جعانه اتمنى من ربنا تنشق ارضك يا مصر وينبلع شعبك ويختفى مصر وشعبها من على الخريطة
طظ فيكى يا مصر انت وشعبك الجزم شوية غجر وكلاب جعانه اتمنى من ربنا تنشق ارضك يا مصر وينبلع شعبك ويختفى مصر وشعبها من على الخريطة
أنا للعلم علقت من غير ما أكون رحت المدونة اللي أنت عملتي ليها لينك و كتبت كده و خلاص كنت فاكر الموضوع حاجة عادية و النهاردة للأسف دخلت علي المدونة اللي أنت عاملة ليها لينك اللي خنقني و كنت نفسي أعيط و الدموع للأسف مش عاوزة تنزل و كرهت نفسي و البلد و اللي ضايقني أكتر أن مفيش و لا جرنال و و لا حد قال حاجة عنه لكن قبل أما أنام حالا كنت بتفرج علي برنامج الساعة العاشرة و بنت الرجل أسمها نوارة أتكلمت عن الموضوع ده الحمد لله في في مصر أنا مش عاوز أقلل من شأنها و أقول عليها أحسن من مائة رجال لكن نوارة ربنا معاكي
و ربنا يكرمك زي ما فرحتيني
انهيار مجتمع تمرس علي العهر الثقافي و الاستنماء الفكري في القاء اللوم علي الغرب و مساويء الغرب ها نحن اصبحنا مبدعين في الانحلال الاخلاقي فلم يحدث في اي دوله علي حد علمي ما يحدث لدينا من حفلات تحرش جماعيه كهذه
the first anonymous
هو الامر المرعب فعلا الاعداد المهولة الي خارجة لنفس الهدف
و الي لسة بيقول تهويل بلاش حكاوي مالك و لا اي حد يشوف التحقيق مع اصحاب المحلات الي بيقولوا بكل بساطة انع شيء عادي جدا و بيحصل كل سنة
الاخ الي كاتب نفس التعليق مرتين
انا محبش التعليق يوصل للدرجة من استخدام الفاظ مالهاش لازمة و مش دي القضية اصلا الشتيمة مش حل و مش عاوزين نتوه القضية بان كل واحد يتباري في اظهار براعته في السب
و بعدين مصر مالها تشتم بلدك يعني ليه؟؟؟؟ هي مصر الي عملت كدة و لا شعبها مصر هي الي بتشوه صورتها بنفشها و لا احنا
و بعدين يا ريت من فضل اي حد يعلق بلاش نلجأ لاسلوب حواري بالمستوي دة مش دة الحل دة احنا كدة بنتوه من بعض اكتر لما السوقية و الغوغاء ينتشروا يبقي لازم نتمسك ببض اكتر عشان مانتهوش في العاصفة
السب مش حل
no fear
انا فعلا مستغربة برضة ليه مافيش و لا صحيفة اعلنت الخبر هو عشان زي ما بيقول اصحاب المحلات بيحصل كل سنة فخلاص امر واقع ؟
karakib
انهيار اخلاقي تم بسرعة غير متوقعة
خصوصا اننا لسة خارجين من رمضان!!يعني النفاق الاجتماعي و الديني ما شفعش ان الامر نا يحصلش بالفجاجة دي
الظاهر خلاص ما بقاش في حياء حتي من ارتكاب المعصية علنا و في وسط الناس
هو دلوقتي المفروض فعلا نتوحد علي حل عشان مافيش حد يجرؤ يفكر في تكرار تلك الفضيحة
السرعه متوقعه تبعا للمنحني الاقتصادي الثقافي السياسي الاجتماعي الذي يهبط بسرعات تخطت سرعه الضوء فلماذا الاخلاقي لا يهبط مثل باقي المنحنيات شديده الانحدار ؟
فكل جيل يحصد ما زرعه من قبله ... اؤمن بهذه العباره بشده و الان جاء وقت حصاد الاشواك ... وقت حصاد موروث ثقافي اجتماعي من الخوف و الكبت و الانعزال و الامراض النفسيه التي انفجرت في هذا المشهد المأساوي الحزين
فكل شيء اصبح مزيفا و تمثيل في تمثيل و لا شيء حقيقي من حولنا يا ساره
انتوك
الي الاخ السفيه صاحب هذا التعليق
=============================
=============================
طظ فيكى يا مصر انت وشعبك الجزم شوية غجر وكلاب جعانه اتمنى من ربنا تنشق ارضك يا مصر وينبلع شعبك ويختفى مصر وشعبها من على الخريطة
=============================
=============================
طظ فيك و فأهلك ملعون انت يا من تسب ارض الكنانه ... ليس كل المصريين بهذا الشكل و طظ فيك
اعتذر للمحترمه صاحبه المدونه لاني رديت علي هذا السفيه هنا
انتوك
يا ريت ما نسالش الشباب ديه انتوا ليه عملتوا كده
يا ريت نعرف ايه اللى وصلهم لكده يعنى بدل ما نقعد ونحط ايدنا على خدنا
العيب مش فى مصر
العيب فينا احنا
تحياتى و حزنى الشديد
انا الاخت اللى كتبت نفس التعليق مرتين بعنوان "طظ فيكى يامصر" عموما انا اسفه جدا لصاحبة المدونة "سارة" انا معاكى ان ده عيب شعبنا بس ايه الفرق بين مصر وشعبها هو مش مصر بتاعة شعبها يعنى اى اساءة تتعمل من شعبها بتسيئ ايضا لمصر وتطلع مصر وحشة فى الاخر , انا اسفة يامصر يا ارض الكنانة بس انا حره اكتب رأى بالطريقة اللى تعجبنى .
الى الأخت صاحبة طظ فيكى يا مصر انت بنفسك اعترفتى ان احنا اللى بنسىء لمصر بتصرفاتنا. يبقى مهما حصل لا داعى ابدا لسب بلدنا
انا آسفة يا سارة ان كنت اضطريت اخرج برة الموضوع
كراكيب و سارة
أنا أسف
بس أنا بصراحة مع الأخت اللي قالت طظ فيكي يا مصر
أنتم تعرفوا لو في حاكم ظالم و كل الشعب مقهور أنا مستعد أموت نفسي و مكنش زعلان فداء مصر
لكن للأسف إحنا بننهش لحم بعض
و أنا أسف
معلش أنا هأكتب تعليق بسيط تاني
تخيل كراكيب أو أنت سارة الموضوع اللي حصل ده حتي لو حالة واحدة حصل لأختك أو لأمك أو لبنتك كلمة طظ فيكي يا مصر ده هتكون قليلة قوي صح
لبلد خلاص رايحه في داهية من كل الجهات
مافيش فايده
sherif gharib
ازاي و ليه مانسألش الشباب هو ليه عمل كدة؟ اصل هم مكانوش مجموعة من المرضي العقليين يعني كانوا مسؤلين عن تصرفاتهمو و البطالة و القهر و الحرمان مش عذر فيه كتير ظروفهم اكتر من صعبة بس عايشين و اخلاقهم و راسهم في السما مش العيب في الظروف اد ما هو العيب في الي انتهز الظروف
و انا معاك في انه العيب مش في مصر العيب فينا احنا في اللي ارنكب في حق مصر العار دة و في الي شارك بسلبية و اللي رافض يعمل حاجة تصلح شوية في البلد
تحياتي
الي الاخت الي احترم صراحتها بس موقفك فعلا مش قادرة ابدا افهمه لنا انتي شايفة انه ده عيب الشعب و مش عيب مصر و اننا احنا الي بنشوه صورة مصر بنفسنا يبقي كمان نشتم مصر!! البلد دي اكبر مني و منك و مننا كلنا
حرية الرأي و التعبير حاجة و حرية السب حاجة تانية
mano
انتي تدخلي و تخرجي برة الموضوع براحتك مدونتك و بيتك و مطرحك!بس ملفيش خروج اصلا و لا حاجة
زي ما قلتي لما احنا الي موحشين صورة مصر و بنسيء ليها في كل مكان يبقي كمان مش عاجب و نشتمها !!
الله يكون في عونك يا مصر
np fear
يا جماعة بجد مش قادرة افهم الموقف دة مصر هي الي جريت في االشارع و اتحرشت ببناتها؟ مصر هي الي بترمي زبالة في شوارعها؟ مصر هي الي بتسرق في ثرواتها و تهرب برة ؟
يبقي ليه بقي مصر هي الي دايما تاخد مننا الشتيمة؟؟؟ دة بالعكس لما الامور تتأزم ز نلاقي حاكم ظالم ماسيبش الحاكم و الف علي بلدي انا الي بايدي خليته حاكم علية و انا بسلبيتي الي خليته ظالم يبقي انا بس الي اقدر اصلح الوضع ما هربش و ازاي كمان مستخسرين نزعل عشان مصر؟ لناس الي حاربت دي ماكانش بتحارب عشان الحاكم و لا غيره كانت بتحارب عشان مصر
الموضوع لو حصل لاي حد مش شرط اختي او حد اعرفه يستحيل يبقي الحل اني اقول كدة لان انا عرفة مين الي يستحق الي مش بس يتقاله كدة لا يتحاكم في ميدان عام
تحياتي
سوسة المفروسة
يا رب يكون في فايدة ..انشاء الله في
فايدة
بس كمان من كل الاتتجاهات ملفيش حتي اتجاه و احد يدخل منه الامل
الآن ببساطة لابد أن تبصروا العلامات
هذه علامة أوضح لأنها عمّت
هكذا تكلمت روح العالم كي تبصرنا وكي تديننا قبل أن يأمرها خالقنا بتدميرنا رأيت اغتصاب البشر في مدونة حواء عن التعذيب في مصر
ورأيت بشرا يظنون أنهم آلهة
وأحسست بالهول اذ تمزقت روح العالم
ولآن سيدفع الصامتون
[url=http://kaufenviagragenerika50mg.net/]bestellen viagra[/url] preise viagra [url=http://achat-viagra-pascher.net/]viagra generique[/url] viagra vente [url=http://comprarviagragenerico100mg.net/]generico viagra[/url] donde comprar viagra [url=http://comprareviagragenerico50mg.net/]viagra acquisto[/url] viagra acquisto
Post a Comment
<< Home