كلام

الشارع دة رحنا فيه المدرسة ..اللي باقي منه باقي و اللي مش باقي اتنسي كنسوه الكناسين بالمكنسة بدموعي في لحظة اسي انا برضة كمان نسيت صلاح جاهين

Name:
Location: cairo, Egypt

Wednesday, September 27, 2006

البحث عن طاحونة!!د

البحث عن طاحونة!
احيانا ينتاب المرء احساس بانه لا فائدة منه او من عمله او علي اقل تقدير انه لم يحقق مبتغاه و مقصده من الحياة فيبدأ الشعور بالدونكيشوتية في النمو و الانبات و التبلور داخل نفس الانسان و تبدأ معها حالة التقمص تزداد فيري في المرأه وجه دون كيشوت الذي تخيله الادباء و تخيله هو نفسه بملابسه المضحكة و ملامحه الساذجة و شجاعته الزائفة و يبدأ هذا الشعور ينتقل من المرأه للتصرفات الفعلية و الروح التي يقابل بها كل ما يحيط به فيبدأ الشعور بالبطولة الزائفة و تبدأ طواحين الهواء في البزوغ في الافق تمهيدا لمحاربتها و لكن دون كيشوت النبيل الذي اوهم نفسه انه بطل الابطال الهمام الذي سيذهب لقهر الاعداء فانتهي امره بمحاربة طواحين الهواء حتي صار رمزا لكل من يستشعر في نفسه القوة و العظمة في افعاله و التي في الحقيقية ليست الا بطولات وهمية لا اثر لها هذا النبيل كان اكثر حظا منا لان هناك من يشجعه علي ما يعتقد و كان لديه صديقه الوفي "سانشو بانزا" الذي كان يري في سيده البطولة الفعلية و هكذا اكتملت الصورة فلم يدرك دون كيشوت سذاجة ما يفعل اما نحن فحتي هذا الصديق لا نجده كي يدفعنا نحو طواحيننا ! فحتي رفاهية ان نحارب الطواحين لن ننعم بها ليس فقط لان الطواحين ليست من طبيعة البيئة المصرية لكن اساسا لاننا لا نستطيع الوصول لها فنحن فعلا مساكين !بطولاتنا الزائفة لا نستطيع حتي القيام بها و التمتع بذلك الشعور الوهمي باننا علي قدر كبير من الخطووورة و الاهمية!! و بما ان موضوع البحث عن طاحونة في الجوار سيطول فاري ان نتكاتف جميعا و نتعاون-بلاش الحركات اياها!- من يجد طاحونته عليه ان يشارك فيها زملائه حتي يجدوا طاحونتهم بدورهم!

22 Comments:

Blogger Sampateek said...

عزيزتي سارة
اعتقد اني وجدت طاحونتي او ممكن تقولي ساقيتي
عارفة التور اللي بيربطوه في الساقية
هههههههه
بس المرة دي رابطيني انا
اولاد و بيت و عمل و انجازات حتي لو كانت بسيطة
اعتقد ان غياب الهدف و الغاية عن حياتنا اليومية تصيبها بالبرود و تفقدها طعمها
فما احلي ان ينام الانسان بعد يوم طويل من الانجازات و المشاحنات و التعب
--
انا وجدت طاحونتي و يسعدني ان اجد من يشاركني فيها و لو يوم في الاسبوع اخد انا نفسي
--
كل سنة و انت طيبة

3:43 AM  
Blogger الســـاحر said...

الكلام ده كبير اوى وجامد بجد
وانا تعمقت فيه وكل كلمه فيه ليها مغزه

6:59 AM  
Anonymous el 7agga said...

wana badom soti l sot el sa7er el kalam kbir awi w t7si keda en lih 5er alahom eg3lou 5er ma3'za keda w a3maq w yd5ol el alb mt3rfich mn anhi 7etta bzbt m3a eni lessa mt3mqtch harou7 at3mq wagilik

8:24 AM  
Blogger Zanoubia said...

This comment has been removed by a blog administrator.

4:32 PM  
Blogger مونوكلى الصغير said...

تيك-توك-تاك

من يجد طاحونته
لا يجد متسعا للوقت لطواحين غيره
تحبى تشغلى نفسك بمعنى تيك-توك-تاك ؟

توك-تاك-تيك

6:11 PM  
Blogger littilemo said...

ها
طيب
الواحد ازاى يعرف انه بيشتغل نفسه؟

8:27 PM  
Blogger CAESAr-DIABLo said...

صحيح .. في الزمن ده و المكان ده .. كلنا نفسنا نبقي حتي نص دون كيشوت .. بس مش هينفع .. لان ده الزمن اللي حتي المستحيل فيه مينفعش يتحقق ..لانه هيبقي ضد رغبة القوياء

8:55 PM  
Blogger LAMIA MAHMOUD said...

بصي يا ستي قولي ورايا
انا مش قصير ازعة .. انا طويل بس

من الاخر لما معنوياتك تهبط كده تاني وتحسي انك بتشتغلي نفسك .. عرفيها قد اية انتي بجد مهمة عند ناس كتير

9:57 PM  
Blogger sarah la tulipe rose said...

كلبوزة لكن سمباتيك
كويس اوي انك لقيتي طاحونتك و يا رب يخليليك اولادك
الطاحونة اللي نفسي فيها مش باقصد بيها الاهداف المادية يعني الدراسة و العمل كل دة متخطط و متظبط و الرؤية فيه الي حد كبير واضحة لكن الطاحونات التانية الطاحونات الروحانية و النفسية و انه الواحد يعمل اللي هوة عاوزة من غير ما يلاقي اعتراض من طوب الارض هي دي اللي بابحث عنها
سيبك الظاهر اني الصيام عمل معايا عمايله!! ربنا يوفقك يا رب و يخليليك اولادك و يخليليك طاحونتك
كل سنة و انت طيبة يا جميلة و رمضان كريم

11:41 PM  
Blogger sarah la tulipe rose said...

الساحر
ميرسي يا فندم علي المجاملة دي كلامي ما يجيش فتفوتة جنب كلام ناس تانية
يا رب نلاقي كلنا طواحين تكفيناو تعلي روحنا المعنوية ...امين يا رب
ميرسي يا فندم تاني

11:43 PM  
Blogger sarah la tulipe rose said...

الحاجة
و انا بأة مش حاضم تعليقك للتعليق اللي فات! ميرسي و ماشي انا مستنية تعمقتي و لا لسة؟

11:44 PM  
Blogger sarah la tulipe rose said...

مونوكلي الصغير
شكلك لقيت طاحونتك و مخبّي عليها !! ماشي يا سيدي ربني يوفقك
ايه معني تيك
-تاك-توك
دقات الساعة؟ و لا دقات القدر ؟!!

11:46 PM  
Blogger sarah la tulipe rose said...

littilemo
مش عارفة و الله ازاي الواحد يعرف فعلا؟!! لو عرفنا كنا استريحنا علي الاقل كان زمان كل الخريجين اشتغلوا و لا الحوجة للحكومة و لا الوظيفة!!
رمضان كريم
الصورة اللي حاططها دي "الكابتن نظيف!!!!!"
دة احنا في رمضان حتي !!د

11:49 PM  
Blogger sarah la tulipe rose said...

ceaser-diablo
متهيألي دون كيشوت لو رجع تاني حيموت من الضحك لما يشوفنا!! لاننا حتي الطواحين منعونا نحاربها!! ربنا علي القوي و المفتري و ...عيالهم!!المفروض نعمل مظاهرة و ننادي انهم يصرفوا لكل مواطن طاحونة
مش كفاية و اكلين البلد نفسها سيبولنا الطواحين حتي
رمضان كريم

11:52 PM  
Blogger sarah la tulipe rose said...

lamia
تصدقي انا عملت كدة فعلا!! شكلك جربتي الموضوع قبلي!ميرسي علي النصيحة و انا حاعيش الدور خلاص اني مهمة بس المشكلة اني مش لاقية الناس التانيين الي اعمل عليهم مهمة!!
رمضان كريم

11:54 PM  
Blogger sara said...

جميل اوى
الطواحين كتيرة بس النفس

8:08 AM  
Blogger Zanoubia said...

law knti oltili dana lessa mtbara3a bel ta7ouna bt3ti l bta3 el robabikia...
sibek enti el ma3arik el so'3anana di heya ser insanyetna

8:35 AM  
Blogger sarah la tulipe rose said...

sara
الطواحين كتيرة !! طب اديني حبة و مش مشكلة النفس احنا لاقيين

8:39 AM  
Blogger sarah la tulipe rose said...

zanoubia
بسمتيييييييييييييييييييييييي
عاش من شافلك كومنت!! و احشتني حروفك!اخص عليكي تتبرعي يالطاحونة الي اشتريناها سوا و لمين كمان لبتاع الروبابيكيا!!
بمناسبة المعارك الصغننة هو فيه معارك في الافق ! طب تمام جدا اول ما تنزلي الحلبة اديني ميسد انا وحشتني معاركنا الصغننة!
كل رمضان و اني طيبة يا جميلة

8:42 AM  
Blogger yasser said...

وما اكثر الطواحين في مصر
كلنا نحارب طواحين الهواء
والمثل الشعبي بيقول
اللي ملوش طاحونة يشتريلة طاحونة

12:00 PM  
Blogger sarah la tulipe rose said...

ياسر
كل يغني علي طاحوناه!! فعلا بس منين نشتري طواحين؟

6:30 AM  
Blogger Dananeer said...

ياه مش عارفه اقولك ايه
اصعب حاجه يكون اشد عدو ليك نفسك افكارك
طاحونه الهواء اللى بتضحك عليك او بتضحك بيها على نفسك و تخدرها
اصعب هزيمه هزيمه نفسك بنفسك
و ضعفك و انكسارك

6:41 AM  

Post a Comment

<< Home